“კლეოპატრა” ქართულად

Imageგასულ ზაფხულს  თურქეთში  ვისვენებდი.პირველივე დღეს სასტუმროში  ისეთი ამბით შემომთავაზეს ცნობილი „კლეოპატრას“  მასაჟი, თავს უარი  ვერ ვუთხარი. ჩავეწერე და დათქმულ დროს გამოვცხადდი იქ, სადაც დამსვენებლებს, ძირითადად, ტაილანდელი გოგონები  გველოდნენ: გაწაფული ხელებით და კეთილი ღიმილით. მომსახურე ქალბატონმა მითხრა  ყველაზე გამოცდილი და მაგარი მასაჟისტი  შეგირჩიე, ახლავე მოვაო და  მოვიდა კიდეც ნელი, დარბაისლური ნაბიჯებით.

ეს იყო  60-ს მიტანებული, პირველივე შეხედვით გვარიანად სევდიანი ქალბატონი. ჩემზე როცა მიუთითეს უხალისოდ გამიღიმა და დამტვრეული ინგლისურით მითხრა: მე  ნანა მქვიაო. გამეცინა და  მშობლიურ ენაზე გავეცანი. ამის მერე კი,  მართლა გულიანად  გამიღიმა და  მკითხა:  როდის ჩავედი? კმაყოფილი ვიყავი თუ არა?  ასეთი მცირე გასაუბრების შემდეგ მითხრა: წამოდი ჩემო გოგო, კარგო გოგო,  წამოდი.. ვიღაც გადამთიელებს ვემსახურები. არ იცი როგორ გამახარა  ქართველის დანახვამ,  დაგინახე თუ არა მესმიამოვნა. ნახავ რა ხელები მაქვს და რა სპეციალისტი ვარ, მოგიყვები ჩემს ამბავს.  გეტყვი რამ გადმომხვეწა აქ, დარდებს  გაგიზიარებო.

თურქეთში „კლეოპატრას“ მასაჟი ქართული  დარდებით როგორია? თან საკმაოდ ძვირი რომ გაქვს გადახდილი? რა მექნა? ვეღარც გამოვიქეცი და  შევრჩი. მისი მოქნილი, მაგრამ მძიმე ხელებიდან სულ დარდები მოდიოდა და თან  ჩამესმოდა: აქ არაფერი მახარებს, აქ ქართველს რა უნდა სამუშაოდ? ქართველს აქეთ უნდა ემსახურებოდნენ ესენი, ქართველი თურქის მოსამსახურე როგორ უნდა იყოსო.  შუა პროცედურის დროს  გადავიდა  სააკაშვილზე და დაიწყო: მაგის ბრალია ასეთ დღეში რომ ვართ, მეჩეთს გვიშენებს, ჩინელები მოყავს. ეროვნებას და რწმენას გვართმევენ მაგის ხელითო. დადუმებული ვიწექი,  საკუთარ თავს ვეკითხებდი   –   ამხელა ქვეყანაში, ასე  ნაქებ „კლეოპატრაზე“  რანაირად    გადაეყარე  ამას -თქო? აი, ამ დროს  გაისმა: ერთადერთი ივანიშვილის იმედი მაქვს შვილო, უჭკვიანესი კაცია, ამხელა ფული იშოვა!  ბოლო-ბოლო  „სამება“ ააშენა! მჯერა, რომ მოვა ივანიშვილი და ყველას გვეშველება. თურქებს და ჩინელებს მაინც  არ მიუგდებს ქვეყანას სააკაშვილივით. მოვა და ჩემნაირებს გამოიხსნის ამათგან. სხვა თუ არაფერი კრედიტი ხომ მაინც  ჩამოიჭრება? მაგის იმედად ვცოცხლობ შვილო, ვალებმა გადმომხვეწა აქ.

ასე მივიღე „კლეოპატრას“ მასაჟის მაგივრად მასაჟი -  “ქართველობას გვართმევენ..“ თურქების, სააკაშვილის და ბოლოს ჩინელების მოხსენიების შემდეგ, წვრილად მომიყვა ბიზნესის წამოწყებისთვის საჭირო თანხის სანაცვლოდ ბანკში ბინა რომ ჩადო და ბიზნესი რომ ვერაფერით ააწყვეს მისმა შვილებმა. მას შემდეგ აქ ვმუშაობ და  ოჯახს ვალის გასტუმრებაში ვეხმარებიო.

„კლეოპატრა“ უსაშველოდ გაიწელა,  თანამემამულე  მასაჟისტი  გაუთავებლად ლაპარაკობდა.  ხანგრძლივი   no comment -ის მერე ვუთხარი : კი მაგრამ, რას ერჩით ამ თურქებს მაინც? აქ ხართ, მუშაობთ, ოჯახს ეხმარებით. რა მშვიდი, ღიმილიანი ხალხია, რა კარგი  ქვეყანა აქვთ.

პასუხი:  ესაა ქვეყანა? ამათი არაფერი მინდა, ზღვაც არ ვარგა აქ, არაფერი ვარგა,საჭმელი ხომ უვარგისია, ყვავილებს სუნი არა აქვს, ხალხზე უკვე ვთქვი.

 -  არადა რა კარგი ზღვა აქვთ, ლივლივა, წყნარი, ამდენი ვარდები, სერვისი ხომ საერთოდ,კარგით რა.. – წავილუღლუღე.  

- ვარდები არ გამაგონოო  მითხრა.მივხდი  ცოტაც და  შეიძლება გაბრაზებულიყო.

როგორც იქნა მორჩა  პროცედურა. კიდევ  თუ შემოივლი,სეილი ჩემზე იყოსო, დამლოცა. მეც მადლობა ვუთხარი, ზრდილობისთვის ხელობა შევუქე, დავემშვიდობე და წამოვედი.

მომაძახა: ისე მაინც  შემოიარე, აქ ვარ, თურქულ ჩაიზე დაგპატიჟებ, დაგელაპარაკები.

შემეცოდა, თან გაბრაზებული ვიყავი მაინცდამაინც  ქართველი რომ  დამხვდა თავისი დარდებით „კლეოპატრაზე“ ჩაწერილს. უხალისოდ წამოვედი  „ქართველობის“ ტვირთით დამძიმებული, არადა რა ხალისით მივედი?  სასწრაფოდ გავეშურე კლეოპატრას სანაპიროზე და  ხმელთაშუა ზღვის რბილ ტალღებს გავატანე ჩემი და ნანას დარდები ქართული.

ამ ბოლო დროს რამდენჯერმე გამახსენდა  თურქეთში გაცნობილი  ნანა და “კლეოპატრა” ქართულად. ნეტა ახლა როგორაა? ჩამოვიდა თუ ისევ იქაა? ივანიშვილმა  ბანკის  ვალი რომ ვერ ჩამოაჭრა დარდები  დაუმძიმდა? ან მეჩეთის მშენებლობის იდეა ძველებურად  აშინებს?

About these ads
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s